Marcelino Iglesias Ricou

Marcelino Iglesias Ricou
12o President d'a Deputación Cheneral d'Aragón
2 d'agosto de 1999 – 13 de chulio de 2011
Gubierno	Primer Gubierno Iglesias Segundo Gubierno Iglesias Tercer Gubierno Iglesias
Lugartenient	José Ángel Biel
Precediu por	Santiago Lanzuela
Succediu por	Luisa Fernanda Rudi
President d'a Deputación Provincial de Uesca
1987 – 1995
Precediu por	Carlos García Martínez
Succediu por	Rodolfo Aínsa Escartín
Secretario d'Organización d'o Partido Socialista Obrero Español
23 d'octubre de 2010 – 5 de febrero de 2012
Precediu por	Leire Pajín
Succediu por	Óscar López
Alcalde de Bonansa
1983 – 1999
Precediu por	José Moner Collel
Succediu por	Alberto Moner Navarri
Senador en as Corz Chenerals por designación d'as Corz d'Aragón
13 de chulio de 2011 – 5 de setiembre de 2019
Deputau en as Corz d'Aragón por Uesca
21 de chunio de 2011 – 17 d'agosto de 2011
20 de chunio de 1991 – 20 de chunio de 1995
Deputau en as Corz d'Aragón por Zaragoza
26 de chunio de 1995 – 20 de chunio de 2011
Naiximiento	16 d'abril de 1951 Bonansa, (Uesca)
Partiu	PSOE
Profesión	Autonomo

Marcelino Iglesias Ricou (Bonansa, Uesca, 16 d'abril de 1951) ye un politico aragonés d'o PSOE, president d'o Gubierno d'Aragón dende 1999. Ye treballador autonomo, ye casau y tien dos fillos.

Biografía

Mientres a suya nineza estió muit ligau a o medio natural, ya que o suyo pai teneba una vaquería y que creixió siempre rodiau d'o paisache d'os Pireneus. En rematar o colechio (estudios de secundaria reyalizaus en o seminario de Balbastro), fació estudios superiors en o seminario de Uesca mientres un curso, antis de decidir-se definitivament por l'actividat empresarial.

Carrera política

Empecipió estando alcalde de Bonansa, en Ribagorza, dende 1983. Dimpués, estió president d'a Deputación Provincial de Uesca dende 1987 dica 1995; dende ista institución se convirtió en un d'os prencipals empentadors d'o turismo rural en Espanya, fendo de l'Alto Aragón una rechión pionera en tot o estau.

Marcelino Iglesias ocupó a Secretaría d'o PSOE-Aragón en Uesca dica o Congreso Provincial celebrau en marzo de 2001. Ye secretario rechional d'o PSOE-Aragón dende o mes d'aviento de 2000 y dica abril de 2012 y deputau en as Corz d'Aragón, a on preside o grupo parlamentario socialista dende as eleccions de 1995 dica a suya salida d'o parlamento aragonés en 2011.

Fa parti d'a Executiva Federal d'o PSOE y presidió o 35º Congreso Federal en o que José Luis Rodríguez Zapatero estió esleito secretario cheneral d'o partiu.

En febrero de 2002 resultó esleito en Bruselas miembro d'a mesa d'o Comité d'as Rechions y Chefe d'a Delegación Espanyola debant d'o mesmo Comité.

President d'a Deputación Cheneral d'Aragón (1999-2011)

V Lechislatura (1999-2003)

O Partido Popular ganó as eleccions autonomicas d'o 13 de chunio de 1999, quedando o PSOE-Aragón en segundo puesto, o Partido Aragonés en tercer puesto, Chunta Aragonesista en cuatreno puesto y Ezquierda Unida en cinqueno puesto. Manimenos un alcuerdo d'o PSOE con o PAR fació que dimpués d'o Debat de Investidura celebrau en as Corz d'Aragón os días 28 y 29 de chulio de 1999, Iglesias obtenese a mayoría absoluta d'a Camara, prenenendo posesión d'o suyo cargo como President d'o Gubierno d'Aragón o 2 d'agosto de 1999.

VI Lechislatura (2003-2007)

En as elecciones autonomicas de 2003 gano a o frent d'o PSOE-Aragón. Dimpués d'a sesión d'investidura feita o 5 de chulio de 2007, tornó a estar eslechiu president d'o Gubierno d'Aragón con os votos a favor d'o suyo partiu y o refirme d'o Partido Aragonés, con os votos en contra d'o Partido Popular y Chunta Aragonesista y l'abstención d'Ezquierda Unida d'Aragón.

VII Legislatura (2007-2011)

Tornaría a ganar por segunda vegada consecutiva en as eleccions a Corz d'Aragón de 2007, formando o suyo tercer gubierno con os votos a favor d'o suyo partiu y o refirme d'o Partido Aragonés y con os votos en contra d'o Partido Popular, Chunta Aragonesista y Ezquierda Unida d'Aragón.

O 28 de setiembre de 2008 anunció que no concorrería como candidato en as proximas elecciones a celebrar en 2011. La alavez secretaria d'Estau d'Educación, Eva Almunia, le sustituyó como candidata a la Presidencia d'a Deputación Cheneral. En ditas eleccions o PSOE baixó de 30 a 22 escanyos en as Corz d'Aragón, perdendo o gubierno, encara que Iglesias fue eslechiu deputau por Uesca en la camara autonomica.

Secretario d'Organización d'o PSOE

Dende o 23 d'octubre de 2010 dica marzo de 2012, estió o Secretario d'Organización d'o Partido Socialista Obrero Español substituindo a Leire Pajín, que pasa a ser ministra de Sanidat, dimpués de que o president d'o Gubierno d'Espanya, José Luis Rodríguez Zapatero, anunciara una funda reforma en o suyo gobierno. Asinas Iglesias ye ratificau por o Comité Federal en dito cargo y se converte, asinas, en o numero tres d'o PSOE a livel estatal por dezaga de Rodríguez Zapatero (secretario cheneral d'o partiu) y José Blanco (vicesecretario cheneral). En a executiva d'o Partido de los Socialistas de Aragón ye substituyiu por Javier Lambán.

Vida posterior

Portavoz en o Senau

Dimpués d'albandonar a presidencia d'Aragón, fue designau senador por as Corz d'Aragón, incorporando-se a la Camara Alta. En aviento de 2011 fue nombrau portavoz d'o grupo d'o PSOE en o Senau d'Espanya, cargo que mantenió dica septiembre de 2014.

O 23 d'abril de 2012, fue galardonado con a Medalla d'Aragón.

Se veiga tamién

• Primer Gubierno Iglesias
• Segundo Gubierno Iglesias
• Tercer Gubierno Iglesias

Predecesor: Santiago Lanzuela Marina	President d'Aragón 1999 - 2011	Succesor: Luisa Fernanda Rudi
Predecesor: Carlos García Martínez	President d'a Deputación Provincial de Uesca 1987 - 1995	Succesor: Rodolfo Aínsa Escartín
Predecesor: Leire Pajín	Secretario d'Organización d'o Partido Socialista Obrero Español 23 d'octubre de 2010 - 5 de febrero de 2012	Succesor: Óscar López
Predecesor: José Moner Collel	Alcalde de Bonansa 1983 - 1999	Succesor: Alberto Moner Navarri

• Datos: Q1393810
• Multimedia: Marcelino Iglesias / Q1393810